Lilou

Eg har noko å innrømma.

Eg er forelska.

Eg skal fylla bloggen min med rosa hjarte.

Eg skal lesa Høgsongen og drikka god raudvin til.

I snart eitt år har eg budd i kollektiv med Kerstin og Lilou.

Kollektiv betyr at ein deler på alt, i all fall kattepusar.

Snart skal eg reisa hundrevis av mil frå deg Lilou.

Aldri skal du liggja i senga mi om natta meir.

Aldri skal du stryka deg rundt oklene mine meir om morgonen.

Aldri skal du jaga krølla papir og plastballar eg kjærleg kastar til deg.

Aldri skal du gjeva meg sår og andre kjærteikn

medan eg prøver å få litt av di travle tid.

Aldri skal du liggja deilig oppkrølla på magen

medan eg psykotisk funderer på om intelligent design

faktisk har noko føre seg.

Min kjære, eg skal klona deg og eiga deg for all tid.